அல்லையூர் இணையம்|| Allaiyoor Inayam
அல்லைப்பிட்டியில் இரண்டு லட்சம் ரூபாக்கள் பெறுமதியான புகையிலை குடிலுடன் முழுமையாக எரிந்து சாம்பலாகிய,சப்பவம் ஒன்று செவ்வாய்க்கிழமை அதிகாலை இடம் பெற்றதாக தெரிவிக்கப்பட்டுள்ளது.
அல்லைப்பிட்டியில் பரம்பரை,பரம்பரையாக, விவசாயத்தினைத் தொழிலாகக் கொண்டவரும்,சிறந்த விவசாயியுமான- திரு அருணாசலம் சோதிலிங்கம் அவர்களுடைய புகையிலைக் குடிலே தீயில் எரிந்து நாசமானதாக தெரிவிக்கப்படுகின்றது.
செவ்வாய் அதிகாலை திடீரென மூண்ட தீயினை அணைப்பதற்கு எடுத்துக் கொண்ட முயற்சி பலனளிக்கவில்லை என்றும்- தீ ஏற்பட்டதற்கான உண்மைக்காரணம் இதுவரை கண்டறியப்படவில்லை என்று தெரிவிக்கப்படுகின்ற போதிலும்-இது விஷமிகளின் செயலாக இருக்கலாம் என்று சந்தேகிக்கப்படுகின்றது.
மேலும் ஊர்காவற்றுறைப் பொலிசாருக்கு முறைப்பாடு ஒன்றும் செய்யப்பட்டுள்ளதாக மேலும் அறியமுடிகின்றது.
