அல்லைப்பிட்டியில்  அமைந்துள்ள-சிந்தாமணிப் பிள்ளையாரை காப்பாற்ற வருமாறு அழைப்பு!படங்கள் விபரங்கள் இணைப்பு!

அல்லைப்பிட்டியில் அமைந்துள்ள-சிந்தாமணிப் பிள்ளையாரை காப்பாற்ற வருமாறு அழைப்பு!படங்கள் விபரங்கள் இணைப்பு!

DSC_0471

மண்டைதீவில் ஒரு விநாயகர் ஆலயம்-அதுதான் திருவெண்காடு சித்தி விநாயகர் ஆலயம்

மண்கும்பானில் ஒரு விநாயகர் ஆலயம்-அதுதான் வெள்ளைப்புற்றடி ஸ்ரீ வீரகத்தி விநாயகர் ஆலயம்

இவை இரண்டுக்கும் நடுவில் அல்லைப்பிட்டியில் ஒரு காலத்தில் தேர் ஓடிய ஆலயமாகவும்-எம்முன்னோர்களினால்  பக்தி்யோடு பராமரிக்கப்பட்டு பாதுகாக்கப்பட்ட ஆலயமாக சிறப்புடன் விளங்கிய ஆலயம் தான்  சிந்தாமணிப்பிள்ளையார் ஆலயம் ஆகும்.

இந்த ஆலயத்திற்கு அருகில் குடுப்பத்துடன் நீண்டகாலமாக வசித்து வந்ததுடன் – அல்லைப்பிட்டியில் அமைந்திருந்த ஏனைய சைவ ஆலயங்களின் பூசகராகவும் பணிபுரிந்தவர் தான்  அமரர் நடேஸ்வரர் குருக்கள் ஆவார்.

அல்லைப்பிட்டியில் பெரும் சிறப்போடும் புகழோடும் ஒரு காலத்தில்  விளங்கிய -சிந்தாமணிப்பிள்ளையாரின் இன்றைய நிலையோ  கண் கலங்க வைக்கின்றது.

ஆலயத்திற்குள் இருந்த விக்கிரகங்கள்-அனைத்தும் களவாடப்பட்ட நிலையில்- வெறுமையாகக் காணப்படும் ஆலயம் கால்நடைகளின் கூடாரமாகவும்-சமூக விரோதிகளின் மறைவிடமாகவும் மாறியிருப்பதாக -இவ்வாலயத்தோடு தொடர்பு பட்ட ஒருவர் கவலையோடு எமது இணையத்திற்கு தெரிவித்தார்.

அன்பான புலம் பெயர் அல்லைப்பிட்டி மக்களே!

எம்முன்னோர்களினால் சிறப்பாக பாதுகாக்கப்பட்ட-அல்லைப்பிட்டி சிந்தாமணிப்பிள்ளையாரின் இன்றைய நிலையினை சுருக்கமாக மேலே பதிவு செய்துள்ளோம்.மீண்டும் இந்த ஆலயத்தினுள் விநாயகர் விக்கிரகம் வைத்து கும்பாபிஷேகம் செய்து ஒரு கால பூஜையாவது செய்ய வேண்டும் என்பதே அனைவரின் விருப்பமாகும்.

மிகமிகப் பழமையான  சிந்தாமணிப் பிள்ளையாரை-அழியவிடாமல் காப்பாற்ற வேண்டிய முழுப்பொறுப்பும்-புலம் பெயர்ந்து வாழும் அல்லைப்பிட்டி மக்களையே சார்ந்துள்ளது .

அனைத்து  தொடர்புகளுக்கும்

தொலைபேசி இலக்கம்-0033651071652

DSC_0470 DSC_0468 DSC_0467 DSC_0466 100_0324

Leave a Reply