கொழும்பு – காங்கேசன்துறை புதிய சொகுசு ரயில் சேவை 27ஆம் திகதி காலை ஆரம்பம்-விபரங்கள் படங்கள் இணைப்பு!

கொழும்பு – காங்கேசன்துறை புதிய சொகுசு ரயில் சேவை 27ஆம் திகதி காலை ஆரம்பம்-விபரங்கள் படங்கள் இணைப்பு!

கொழும்பு -_ காங்கேசன்துறைக்கிடையிலான புதிய ரயில் சேவை நாளை மறுதினம் 27 ஆம் திகதி காலை 6.00 மணிக்கு கொழும்பு கோட்டை ரயில் நிலையத்திலிருந்து ஆரம்பமாகின்றது. இந்தியாவிலிருந்து தருவிக்கப்பட்ட அதிவேக ரயில் சேவையை, போக்குவரத்து விமான சேவைகள் அமைச்சர் அர்ஜுன ரணதுங்க மற்றும் இந்திய உயர் ஸ்தானிகர் தரன்ஜித் சிங் சந்து ஆகியோர் காலை 5.30 மணிக்கு உத்தியோகபூர்வமாக ஆரம்பித்து வைக்கவுள்ளனர்.

உத்தரதேவி ரயில் கொழும்பிலிருந்து காங்கேசந்துறை வரை சேவையிலீடுபடுத்தப்படவுள்ளது. அதன் வெள்ளோட்ட சேவை வடக்கு, கிழக்கு நல்லிணக்கத்தை மேம்படுத்தும் வகையில் முன்னெடுக்கப்படவுள்ளது. இதற்கிணங்க மேற்படி ரயிலில் யாழ்ப்பாணம் மாவட்டத்தில் பாடசாலை மாணவர்களுக்கான புத்தகங்கள் மற்றும் பாடசாலை உபகரணங்கள் எடுத்துச்செல்லப்படவுள்ளன.

இந்த மக்கள் சேவைக்கு பங்களிப்புச் செய்ய விரும்புவோர் பாடசாலை புத்தகங்கள் மற்றும் கல்வி உபகரணங்களை நாளை 26 ஆம் திகதி மதியம் 12.00 மணிக்கு முன்பதாக மருதானை விஜயவர்தன மாவத்தையிலுள்ள போக்குவரத்து மற்றும் சிவில் விமான சேவைகள் அமைச்சிலும் நாரஹேன்பிட்டியிலுள்ள இ.போ.ச பிரதான அலுவலகத்திலும் ஒப்படைக்க முடியும்.

போக்குவரத்து அமைச்சில் தமது பொருட்களை ஒப்படைப்போர் 0718426868 என்ற தொலைபேசி இலக்கத்தோடு தொடர்புகொண்டு விபரங்களைப் பெற்றுக்கொள்ள முடியும். நாரஹேன்பிட்டி இ.போ.ச காரியாலயத்தில் தமது பொருட்களை கையளிக்க விரும்புவோர் 0771056062 இந்த தொலைபேசி இலக்கத்தோடு தொடர்புகொண்டு விபரங்களைப் பெற்றுக்கொள்ள முடியும்.

Leave a Reply

}

Hit Counter provided by technology news