பெருந்திரளான மக்களின் இறுதி அஞ்சலியின் பின் – எழுச்சிப்பாடகர்  சாந்தனின்  பூதவுடல் தீயுடன் சங்கமம்-படங்கள் இணைப்பு!

பெருந்திரளான மக்களின் இறுதி அஞ்சலியின் பின் – எழுச்சிப்பாடகர் சாந்தனின் பூதவுடல் தீயுடன் சங்கமம்-படங்கள் இணைப்பு!

16806797_1271604412919255_7138246240499125830_n-768x768

ஈழத்தின் எழுச்சிப்பாடகர் சாந்தன்  சிறுநீரகங்கள் இரண்டும் செயலிழந்த நிலையில் வைத்தியசாலையில் அனுமதிக்கப்பட்டு சிகிச்சை பெற்றுவந்த நிலையில், கடந்த ஞாயிறு பிற்பகல் 2.10 மணிக்கு   யாழ்.போதனா வைத்தியசாலையில் உயிரிழந்துள்ளார்.

 
சிறந்த பாடகரான நாடகக் கலைஞர் எஸ்.ஜே.சாந்தன், தமிழீழ விடுதலைப்புலிகள் அமைப்பின் பிரதான பாடகராக விளங்கினார்.
 
1995 ஆம் ஆண்டு வரை யாழ்ப்பாணத்தின் பிரபல நட்சத்திரப் பாடகராக விளங்கிய இவர், சிறந்த நடிகராகவும் காணப்பட்டார்.
 
முதன்முதலில் 1972 இல் கொழும்பு, செட்டித்தெரு கதிரேசன் ஆலயத்தில் நடைபெற்ற இசை நிகழ்ச்சி ஒன்றைப் பார்வையிடச் சென்றபோது அங்கு பாடும் வாய்ப்பு கிடைத்தது.
 
இதன்போது ‘மருதமலை மாமணியே முருகையா’ என்ற பாடலைப் பாடி மிகுந்த வரவேற்பைப் பெற்றுக் கொண்டார். இதுவே இவரது கலைப்பயணத்தின் ஆரம்பமாக அமைந்ததுடன் இது இவரது முதல் மேடை அனுபவமாகவும் அமைந்தது.
 
இதன் பின்னர் அந்தத் தெருவுக்கு வரும் முகத்தார் வீடு ஜேசுரட்ணம் என்பவர் இவரை இலங்கை ஒலிபரப்புக் கூட்டுத்தாபனத்திற்கு அழைத்துச் சென்று சிறுவர் மலரில் பாடவைத்தார்.
 
அதிலிருந்து வானொலி நிகழ்ச்சியில் நாடகத்திலும் நடிக்க ஆரம்பித்திருந்தார்.
 
1977 இல் கிளிநொச்சிக்கு இடம்பெயர்ந்த இவர், 1981இல் கண்ணன் இசைக்குழுவுடன் இணைந்து பாட ஆரம்பித்தார்.
 
அந்த இசைக்குழு 1982 இல் கலைக்கப்பட்டதன் பின் தனது பெயரிலேயே சாந்தன் இசைக்குழு என்ற பெயரில் இசைக்குழுவை ஆரம்பித்து அதன் மூலம் மக்கள் மத்தியில் நீங்கா இடம்பிடித்துள்ளார்.
அமரர் சாந்தனின் இறுதி நிகழ்வுகள் 28.02.2017 செவ்வாய்க்கிழமை அன்று கிளிநொச்சியில் நடைபெற்றது. இறுதிநிகழ்வில் பல்லாயிரக்கணக்கான மக்கள் உணர்வுடன் கலந்து கொண்டதாக  செய்திகள் தெரிவிக்கின்றன.

Leave a Reply