ஊர்காவற்றுறை புனித அந்தோனியார் கல்லூரியின் பழைய மாணவரே,‬ யாழ் மறை மாவட்­ட புதிய ஆய­ராக நியமனம்-படங்கள் இணைப்பு!

யாழ்.ஆயர் இல்­லத்தில் நேற்­றைய தினம் உத்­தி­யோ­க­பூர்­வ­மாக பதவி அறி­விக்­கப்­பட்ட நிலையில் யாழ்.மரி­யன்னை பேரா­லய மணிகள் ஒலிக்­கப்­பட்டு பொது மக்­க­ளுக்கு அறி­விக்­கப்­பட்­டது.

இந்நிகழ்வில் கத்­தோ­லிக்க அருட்­தந்­தை­யர்கள் கலந்­து­கொண்­டனர்.

யாழ்.மறை மாவட்ட ஆய­ராக 1992ஆம் ஆண்டு முதல் 2015ஆம் ஆண்­டு­ வரை 23 ஆண்­டுகள் வரை பணி­யாற்­றிய அருட்­தந்தை தோமஸ் சௌந்­த­ர­நா­யகம் ஆண்­டகை திருச்­சபைச் சட்­டப்­படி தனது 75ஆவது வயதில் 2013ஆம் ஆண்டு தன் பணி ஓய்வு விண்­ணப்­பத்தை ரோமா­பு­ரிக்கு அனுப்பி வைத்­தி­ருந்த நிலையில் மேற்­படி விண்­ணப்­பத்தை ஏற்றுக் கொண்ட பாப்­ப­ரசர் பிரான்சிஸ் யாழ்.மறை­மா­வட்­டத்தின் புதிய ஆய­ராக அருட்­தந்தை ஜஸ்ரின் பேனாட் அடி­க­ளாரை நிய­மித்­துள்ளார்.

அருட்­தந்தை ஜஸ்ரின் பேனாட் அடி­களார் 1948ஆம் ஆண்டு ஊர்­கா­வற்­றுறை புனித மரி­யன்னை ஆலயப் பங்கில் பிறந்­துள்ளார்.

இவர் தனது ஆரம்பக் கல்­வியை ஊர்­கா­வற்­றுறை புனித அந்­தோ­னியார் கல்லூரி மற்றும் யாழ்.புனித பத்­தி­ரி­சியார் கல்­லூ­ரி­யில் பெற்­றுள்ளார்.

அடி­களார் 2007 ஆம் ஆண்டு முதல் 2015ஆம் ஆண்டு வரை யாழ். மறை­மா­வட்­டத்தின் குரு முதல்­வ­ராகப் பணி­யாற்­றி­யுள்ளார். அத்­துடன் 2008ஆம் ஆண்டு முதல் 2015ஆம் ஆண்டு காலப் பகுதி வரை கத்­தோ­லிக்க அச்­சக அதி­ப­ரா­கவும் பணி­யாற்­றி­யுள்ளார்.

குருத்­துவப் பணியில் 40 ஆண்­டு­களை 2014ஆம் ஆண்டு நிறைவு செய்­துள்ள அடி­களார், தனது பணிக்­கா­லத்தின் 31 ஆண்­டு­களை கல்விப் பணியில் குறிப்­பாக இள­வாலை புனித ஹென்­றி­ய­ரசர் கல்­லூ­ரி­யிலும் புனித பத்­தி­ரி­சியார் கல்­லூ­ரி­யிலும் சேவை­யாற்றி 2001ஆம் ஆண்டு கல்விப் பணி­யை நிறைவு செய்­தி­ருந்தார்.

இங்­கி­லாந்தில் கலா­நிதிப் பட்­டத்­தையும் முது­கலை மாணிப் பட்­டத்­தையும் பெற்ற அடி­களார் இலங்கை அதிபர் சேவையில் வகுப்பு I தரத்தைப் பெற்று அரச பாட­சா­லை­களின் கொத்­தணி அதி­ப­ராகப் பணி­யாற்­றி­யுள்ளார்.

யாழ்.பல்­க­லைக்­க­ழ­கத்தின் பேரவை உறுப்­பி­ன­ராக 1998ஆம் ஆண்டு முதல் 2014ஆம் ஆண்­டு­ வரை பணி­யாற்றி இவர் 1982 முதல் 1984வரை யாழ்.பல்­க­லைக்­க­ழக கிறிஸ்­தவ நாக­ரி­கத்­ து­றையில் விரி­வு­ரை­யா­ள­ரா­கவும் பணி­யாற்­றி­யுள்ளார்.

யாழ்.மறை­மா­வட்ட ஆணைக்­கு­ழுவின் தலைவராக 1992– 2002ஆம் ஆண்டு காலப் பகுதியில் பணியாற்றிய அடிகளார் 1992 – 2006 வரை புனித சவேரியார் குருத்துவக் கல்லூரி மெய்யியல் துறையில் கல்வியியல் விரிவுரையாளராகப் பணியாற்றியுள்ளமை குறிப்பிடத்தக்கது.